Halmashauri ya Manispaa Mpanda ni miongoni mwa Halmashauri zinazotekeleza muundo mpya wa Halmashauri za Manispaa ambao uliidhinishwa mnamo mwaka 2011 na Waziri Mkuu Mh Mizengo Pinda. Kwa sasa kitengo kina watumishi watatu ambao ni Afisa TEHAMA wawili na Fundi Sanifu wa Mawasiliano mmoja. Toka kuanzishwa kwake hadi sasa kitengo hiki kimejitahidi kufanya kazi kwa ufanisi mkubwa ili kuweza kufanikisha lengo namba 9 la Serikali ambalo ni kuimarisha Teknolojia ya Habari na Mawasiliano. Jukumu kubwa la kitengo hiki ni Kusimamia mifumo yote ya manispaa.
- Lengo la kuwepo kwa Kitengo hiki ni :- Kutoa utaalamu na huduma kuhusu matumizi ya TEHAMA katika Halmashauri ya Manispaa ya Mpanda.
Majukumu ya Kitengo
Kutekeleza sera ya Kitaifa ya TEHAMA na Serikali Mtandao.
Kusimamia maendeleo ya mipango ya ndani ya TEHAMA, sera na utekelezaji wake.
Kubuni na kutunza programu na kuhifadhi data kwa misingi ya mtandao.
Kufuatilia matumizi ya vifaa vya TEHAMA na programu katika Halmashsuri.
Kutoa pembejeo katika tathmini ya mahitaji ya mafunzo kuhusu TEHAMA.
Kutengeneza na kudumisha tovuti ya Halmashauri.
Kuhakikisha manispaa inasajili na kutumia barua pepe za serikali (Government Mailing System) kwa ajili ya kutuma na kupokea taarifa za kiserikali.
Kusimamia Mifumo yote ya Halmashauri baadhi yake ikiwa ni HCMIS ,MUSE, PREM, SIS, IFTMIS, TAUSI, ESS, GMS, NEST, GOTHOMIS,
Kusimamia Mashine za kieletroniki zinazokusanya Mapato(Pos Machine)
Kusimamia Matengenezo yote ya vifaa vya Tehama kwa kuhakikisha vifaa vyote vipo katika hali nzuri
