Kitengo cha ukaguzi wa ndani ni kitengo kimojawapo kati ya vitengo vitano vilivyopo chini ya Ofisi ya Mkurugenzi. Kilianzishwa mwaka 2008 kutokana na vifungu namba 28 na 29(1) vya sheria ya fedha za umma ya mwaka 2001 na marekebisho yake ya 2004.
Kitengo kinawajibika kutoa taarifa kwa Mkurugenzi wa Halmashauri ya Manispaa ya Mpanda na kutoa taarifa ya utendaji kazi zake kwa kamati ya ukaguzi ya Manispaa ya Mpanda.
DHIMA
Dhima ya kitengo cha Ukaguzi wa Ndani cha Halmashauri ya Manispaa ya Mpanda ni kutoa ushauri uliohuru kwa jambo lengwa na huduma za kitaalamu zitakazoleta tija na kuboresha utendaji kazi wa Halmashauri ili iweze kufikia malengo yake. Kitengo kinasaidia pia kuhakikisha malengo yanatimia kwa kuandaa mfumo yakinifu wa upembuzi na kuboresha umakini wa vihatarishi, udhibiti na utawala bora.
MAJUKUMU YA KITENGO
Kuboresha na kuthamini mpango wa vihatarishi ili kuhakikisha malengo ya taasisi yanafikiwa na mifumo ya udhibiti inakuwa thabiti kuhakikisha malengo hayo yanafikiwa.
Kutathmini mwendano na utegemezi wa taarifa za mifumo ya fedha na mifumo ya udhibiti.
Kuhakikisha mali za umma zinatumika kwa kuzingatia uchumi, ufanisi na ubora.
Kuhakisha uzingatiaji na ufuatwaji wa sera, sheria, taratibu na kanuni zilizopo.
Kutoa mapendekezo ya kuboresha taratibu na mifumo ili kuzuia upotevu, ubadhilifu na wizi.
Kushauri juu ya mifumo ya udhibiti inayofaa na maswala mengine ya kiuhasibu na kiutendaji.
Kutengeneza mpango wa ukaguzi wa mwaka kwa kushauriana na Kamati ya ukaguzi na menejimenti.
Kutekeleza mpango wa ukaguzi wa mwaka pamoja na ukaguzi maalum wa miradi na masuala mengine kama zitakazoombwa na kamati ya ukaguzi na Mkurugenzi.
Kuandaa taarifa za robo kwa wakati na kuziwasilisha kwa Mkurugenzi, Kamati ya Ukaguzi , Katibu Tawala na Mkaguzi Mkuu wa Ndani wa Serikali.
