Elimu Sekondari

OFISI YA RAIS

TAWALA ZA MIKOA NA SERIKALI ZA MITAA

HALMASHAURI YA MANISPAA YA MPANDA

IDARA YA ELIMU SEKONDARI

UTANGULIZI: 

Halmashauri ya  Manispaa ya Mpanda ni miongoni mwa Halmashauri tano za Mkoa wa Katavi ambayo ilianzishwa tarehe 01 Julai, 2007 kwa mujibu wa tangazo la serikali na. 136 la tarehe 29.09.2006. Inapatikana upande wa Kusini Mashariki mwa Tanzania. Halmashauri ina tarafa mbili ambazo ni Misunkumilo na Kashaulili na  kata 15 ambazo ni Ilembo, Kashaulili, Kawajense, Misunkumilo, Nsemulwa, Makanyagio, Mpanda Hotel, Kakese, Shanwe, Uwanja wa ndege, Kazima, Mwamkulu, Kasokola, Magamba na Majengo. Halmashauri ina mitaa 15 vijiji  14. Halmashauri ina ukubwa wa kilomita za mraba 527.

MAJUKUMU YA IDARA

Majukumu ya Idara ya Elimu Sekondari ni kama yafuatayo:-

Kutafsiri na kusimamia nyaraka na miongozo mbalimbali inayotoka serikalini

Kusimamia maadili na taaluma ya ualimu

Kusimamia ujenzi wa miundombinu katika shule zote za sekondari

Kusimamia nidhamu ya watumishi

Kusimamia haki na maslahi ya watumishi

Kusimamia shughuli za michezo katika shule zote za sekondari

Kushiriki shughuli mbalimbali za Kihalmashauri, mkoa na kitaifa

Kutoa taarifa mbalimbali za kielimu zinapohitajika katika ngazi mbalimbali za kiserikali.

Kushirikiana na wadau mbalimbali wa elimu kuinua taaluma.

SHULE ZA SEKONDARI

Halmashauri ya Manispaa ya Mpanda ina jumla ya shule za sekondari 14 ambapo shule 10 ni za serikali na 04 ni za taasisi binafsi. Idadi ya wanafunzi kwa mwaka 2018 ni 7737 ambapo wavulana ni 3443 na wasichana ni 4314.

• Shule  za sekondari zimejengwa kwenye kata zote isipokuwa kata ya Kawajense na Kakese, Halmashauri imeanza kujenga shule katika kata ya Kakese kuhakikisha kuwa kila kata inakuwa na shule ya sekondari. Mradi huu uliibuliwa na wananchi madarasa mawili yako katika hatua ya ukamilishaji na ujenzi wa matundu ya vyoo unaendelea

IKAMA YA WALIMU NA IDADI YA WANAFUNZI

Ikama ya walimu inaonesha kupanda mwaka hadi mwaka japo walimu wengi ni wa masomo ya sanaa, hii ni sambamba na idadi ya wanafunzi. Jedwali Na.01 linaonesha ikama ya walimu kwa masomo na jedwali Na. 02 linaonesha idadi ya wanafunzi kwa shule zote za Halmashauri.

 MAPOKEZI YA WALIMU WAPYA WA SEKONDARI WALIOPANGWA NA KURIPOTI  

Halmashauri imekuwa ikipokea walimu kila mwaka tangu idara ya elimu sekondari ilipogatuliwa kutoka kwa Katibu Mkuu kuja ngazi ya Halmashauri. Jedwali Na.03 linaonesha walimu wapya waliopangwa Halmashauri kuanzia mwaka 2014 hadi mwaka 2017.

Jedwali Na. 03

WALIMU WAPYA  MWAKA 2014 - 2017

MIUNDOMBINU NA SAMANI

Halmashauri imeendelea kuboresha miundombinu katika shule za sekondari kuhakikisha kuwa wanafunzi wanasoma katika mazingira rafiki.Ujenzi wa miundombinu kwa fedha kutoka serikali kuu umesimamiwa na Halmashauri kuhakikisha kuwa miundombinu inayojengwa inakwenda sambamba na thamani ya fedha, kukamilika kwa wakati na uimara wa majengo pamoja na samani. Zoezi hili ni endelevu kwasababu ya ongezeko la wanafunzi wanaodahiliwa kujiunga na elimu ya sekondari ndani ya Manispaa.

Jedwali Na. 04 linaonesha hali ya miundombinu shule zote za sekondari.

TAARIFA YA TAALUMA SHULE ZA SEKONDARI

Hali ya taaluma inaonesha kupanda mwaka hadi mwaka kwasababu ya ongezeko la walimu hasa wa masomo ya Sayansi na Hisabati japo upungufu bado upo kwa masomo hayo.  Majedwali Na.05, 06 na 07 yanaonesha hali ya ufaulu wa wanafunzi kwenye mithani ya Taifa kwa mwaka 2017

JEDWALI NA.7           MATOKEO YA KIDATO CHA VI 2015-2017