Watumishi wa Manispaa ya Mpanda wapata mafunzo juu ya miongozo ya upelekaji wa fedha za maendeleo (LGDG).

Posted on: August 21st, 2018

Mkururugezi wa Halmashauri ya Manispaa ya Mpanda ndugu Michael F. Nzyungu, mapema leo amefungua mafunzo kwa wakuu wa Idara/vitengo na watendaji wa kata juu ya miongozo ya upelekaji wa fedha za maendeleo (LGDG).

Mafunzo haya yamelenga kuwafundisha na kuwakumbusha washiriki vigezo vya upatikanaji wa fedha.

Katika ufunguzi huo Mkurugenzi amewaeleza  washiriki kuwa serikali ina utaribu na vigezo ilivyo jiwekea katika kutoa fedha za maendeleo na fedha za  kuendeshea ofisi, hivyo   mafunzo haya yataisaidia Halmashauri kuweza kushinda  vigezo vyote na hivyo kuiletea Halmashauri ushindi mkubwa utakaopelekea kupewa fedha nyingi kwa ajili ya kuendesha ofisi katika ngazi zote na fedha za kujenga au kukamilisha miundombinu katika maeneo yetu amabyo ni kipamumbele cha jamii.

 Wakati akitoa hotuba ya Ufungunzi Mhe. Nzyungu alisema, “Mafunzo haya ni muhimu sana kwa maendeleo ya Manispaa yetu kwa kuwa  yanayohusiana na Mfuko wa Ruzuku ya maendeleo  ya serikali za mitaa kwa ajili ya mpango wa bajeti ya mwaka 2018/2019  pamoja na kujiandaa na na mchakato wa maandalizi ya upimaji wa mwaka wa kuwezesha kupokea au kupata  Ruzuku ya Maendeleo ya Serikali za mitaa”

Wakati wa ufunguzi wa mafunzo hayo Mkururugezi Nzyungu amewakata washiriki wote wa mafunzo hayo kufuatilia kwa umakini mkubwa mambo yote yatakayo fundisha kwa kuwa baada ya mafunzo utafanyika utekelezaji utakao ambatana na upimaji.

Aidha ameeleza kuwa kwa kuwa wakuu wa Idara wote na watendaji wote wameshiriki mafunzo hayo anategemea halmashauri itafauru vigezo vyote pamoja na upimaji utakaofanywa na serikali  na hivyo halmashauri kupata fedha za kuendeshea ofisi pamoja fedha za miradi.