Naibu Waziri TAMISEMI aridhishwa na utekelezaji wa miradi Manispaa ya Mpanda..

Posted on: July 26th, 2018

Naibu Waziri Ofisi ya Rais TAMISEMI Mhe. Josephat Kandege leo hii amefanya lziara katika Halmashauri ya Manispaa ya Mpanda. Katika ziara hiyo mhe. Naibu waziri amefanikiwa kutembelea  miradi na vikundi mbalimbali na kujionea hatua mbalimbali za utekelezaji wake.

Aidha naibu waziri amefurahishwa sana na hali ya utekelezaji wa ujenzi wa stendi mpya ya mabasi ilembo  nakuziagiza Halmashauri nyingine ambazo zimepata mradi wa ujenzi wa stendi kufanya ziara ya mafunzo katika stendi ya Halmashauri ya Manispaa ya Mpanda kwa dhana ya kujifunza na kuboresha zaidi.

“Nawapongeza sana kwa utekelezaji na  usimamizi mzuri na wa mradi huu wa stendi ya mabasi ya  kisasa, nimeridhika na utekelezaji wake na kwa hali hii ninawaagiza Halmashauri ya sumbawanga na halashauri nyingine kuutembelea mradi huu ili waweze kujifunza na kupata ramani ya stendi hii.”

Ujenzi mradi huu wa stendi ya mabasi ulianza mwaka 2014  kwa lengo la kuboresha mapato ya ndani ukiwa unaofadhiliwa na Benki ya Dunia (ULGSP) kwa gharama ya Tsh. 3,451,328,501.00

Katika ziara hiyo ameitaka Halmashauri kuwa na mikakati mizuri ya kuiendesha stendi hiyo ya kisasa huku akiishauri Halmashauri kuwa na mapango endelevu wa kuongeza eneo la stendi kwa ajili ya biashara na upanuzi wa stendi hapo baadae.