TCB YATOA BANDARI 15 ZA BATI MANISPAA YA MPANDA

Posted on: October 6th, 2021

TCB YATOA BANDARI 15 ZA BATI MANISPAA YA MPANDA

Benki ya biashara ya Tanzania (TCB –Tanzania Commercial Bank) tawi la Mpanda mkoani Katavi imetoa  bandari 15 za bati kwa Halmashauri ya Manispaa ya Mpanda zenye thamani ya shilingi milioni kumi tano na laki nne( 15,400,000/=) kwa ajili ya umaliziaji wa vyumba  2 vya madara katika shule ya msingi katavi iliyopo Kata ya Makanyagio.

Akikabidhi mabati hayo kwa mwakilishi wa Mkuu wa Mkoa wa katavi  Dkt. Baganda Egdius ambaye ni afisa elimu wa mkoa wa Katavi,  Meneja wa TCB tawi la Mpanda ndugu Julius Mlang’a  amesema   TCB kutoa  mabati hayo ni  kuendeleza sera ya benki  anayosema  “Elimu ni sera yetu”. Aidha meneja wa TCB aliendelea kueleza kuwa TCB itaendelea kuunga jitihada za Serikali za kuhakikisha watoto wa kitanzania wanapata elimu katika mazingira rafiki.

Diwani wa Kata ya Makanyagio Mhe. Haidary Sumry ambaye ni Mstahiki Meya wa Halmashauri ya Manispaa ya Mpanda  kwa niaba ya Halmashauri ameshukuru Benki ya TCB kwa kuweza kutoa bandari 15 za bati kwa ajili ya kusaidia ukamilishaji wa vyumba 2 vya madarasa katika shule ya msingi Katavi.

Mheshimiwa Sumry aliendelea kueleza kuwa changamoto za vyumba vya madarasa na miundombinu mingine katika shule za Manispaa ya Mpanda  bado zipo hivyo ameziomba taasisi nyingine na wadau mbalimbali kuendelea kuejitokeza kusaidia ujenzi na ukamilishaji wa miundombinu ili watoto wa kitanzania waweze kupata elimu katika mazingira rafiki.